Aqrar Subsidiya

Bitkiçilik subsidiyaları

2026–2027 aqrar subsidiyalar

Hansı sahə üzrə subsidiya axtarırsınız?

Bütün subsidiyalar

2026-2027 əkin və məhsul subsidiyaları

Rayonunuzu və ya bitkinizi seçin — subsidiya məbləğini və şərtlərini görün.

Mənbə: Aqrar Kredit və İnkişaf Agentliyi (AKİA) · rəsmi cədvəl
Xəritə yüklənir…
Rayona toxunun — subsidiyalar aşağıda açılacaq.
Başlamaq üçün rayonunuzun adını yazın, «Yerimi müəyyən et» düyməsinə toxunun və ya xəritəni açıb rayonu seçin.
Birillik bitkilər üzrə ümumi qeydlər
  1. 2027-ci ildə əkin subsidiyasının verilməsi üçün “Aqrar sığorta haqqında” Azərbaycan Respublikasının Qanununa müvafiq sığortalanmalı olan bitkilərə həm əsas əkinlər, həm də təkrar əkinlər üçün tətbiq edilməklə buğda, arpa, qarğıdalı, günəbaxan və çəltik bitkiləri aid edilsin və sığortalanmalı olan hər bitki üzrə cəmi əkin sahəsinin minimum ölçüsü 7 hektar olaraq müəyyən edilmişdir.
  2. Buğda və arpa üzrə cəmi əkin sahəsi 5 hektardan artıq olan fermerlər tərəfindən əkin üçün sertifikatlı toxum istifadə edilmədikdə əkin əmsalı 50% azaldılmaqla tətbiq edilir.
  3. Aqrokimyəvi analiz predmeti olan ərazilərdə aparılan əkinlər üzrə əkin subsidiyası həmin torpaqların müvafiq akkrediasiyadan keçmiş laboratoriyalarda fermerlər tərəfindən analiz etdirilməməsi halında hər hektar üçün bu Qərarın 2-5-ci hissələrində müəyyən edilən məbləğdən 30 AZN (0.15 əkin əmsalı) azaldılmaqla tətbiq edilir.
  4. Qarğıdalı, günəbaxan, darı, sorqo, çəltik, tərəvəz və kartof bitkiləri üzrə əsas əkinlərə 2027-ci il mayın 31-dək, təkrar əkinlərə isə suvarılan ərazilərdə 2027-ci il iyunun 1-dən avqustun 1-dək aparılmış əkinlərə aid edilir.
  5. Müasir suvarma sistemlərinə damcılı (yeraltı və yerüstü), sprinkler tipli (stasionar və yarımstasionar) və pivot suvarma sistemləri aid edilir.
  6. “Azərbaycan Respublikasının işğaldan azad edilmiş ərazilərində kənd təsərrüfatı təyinatlı torpaqların kənd və qəsəbə sakinlərinə güzəştli şərtlərlə icarəyə verilməsi Qaydaları”na uyğun olaraq işğaldan azad edilmiş kəndlərdə və qəsəbələrdə məskunlaşan və həmin yaşayış məntəqələrində yaşayan sakinlərə verilmiş torpaqlarda aparılan əkinlər üzrə əkin subsidiyası məbləği 1-34-cü bənddə qeyd olunan birillik bitkilər və yonca əkinləri üzrə 50% artırılmaqla tətbiq ediləcəkdir.
  7. Sərhədyanı kəndlərdə aparılan əkinlər üzrə əkin subsidiyası hər hektar üçün bu Qərarın 2-ci hissəsində müəyyən edilən məbləğ 100 AZN (0.5 əkin əmsalı) artırılmaqla tətbiq edilsin.
Ayrı-ayrı kəndlərə aid subsidiyalar

Pambıq məhsul subsidiyası ixtisaslaşmış 15 rayonla yanaşı aşağıdakı kəndlərə də şamil edilir:

  • Cəlilabad rayonu — Günəşli və Təzəkənd kəndləri
  • Ucar rayonu — Xələc kəndi
  • Ağsu rayonu — Göydəlləkli kəndi

Bu rayonları seçəndə pambıq sətirlərində «yalnız … kəndləri üçün» qeydi göstərilir.

Köhnə bağlar üçün ödənişlər
  1. Üzüm bitkisində 01.09.2022-dən əvvəl salınmış bağlara müasir suvarma sistemi olduqda 110 AZN, müsir suvarma sistemi (ənənəvi suvarma) olmadıqda 50 AZN əkin subsidiyası ödənilir
  2. 2022-ci il sentyabrın 1-dən 2026-cı il may ayının 31-dək salınan, müasir suvarma ilə təmin edilmiş ənənəvi bağlarına 310 manat, müasir suvarma ilə təmin olunmamış bağlar 250 manat ödənilir.
  3. 2022-ci il sentyabrın 1-dən əvvəl salınmış müasir suvarması olan meyvə bağlarına 110 manat, müasir suvarması olmayan bağlara isə 50 manat subsidiya ödənilir.
  4. 2022-ci il sentyabrın 1-dən 2027-cı il may ayının 31-dək salınan, birdəfəlik subsidiya şamil edilməyən intensiv meyvə bağlarına 800 manat məbləğində subsidiya ödənilir.